bannerlimpeza2.jpg
facebook_pr.jpg

Axenda

Actualmente, non hai actividades previstas.
Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos Dixital






CalendaRío 2016
captura_portada_calendario.pngApresentamos o CalendaRío de actividades do Proxecto Ríos para 2016. Nel poderedes ver todas as actividades que temos programadas para este ano, das que daremos cumprida conta na web e no boletín mensual Gardarríos. Este ano adicamos o CalendaRío ás Pontes que Unen, infraestruturas que dende hai moitos anos empregamos as persoas para cruzar os ríos. Contamos cun enorme e variado patrimonio  do que vos presentamos unha mostra. Podedes descarregar o Calendario nesta ligazón: CalendaRio_2016.pdf
Resultados do Informe Anual 2015
informe_2015.jpgO informe do estado de saúde dos ríos galegos que presenta o Proxecto Ríos establece unha fotografía do estado ecolóxico dos nosos ríos a partir das análises realizadas durante as campañas de primavera e outono polo voluntariado participante. Preséntanse os resultados das inspeccións realizadas, a metodoloxía empregada na realización do informe e as actividades máis importantes desenvolvidas durante o ano 2015.
Resumo do Informe: Resumo_Informe_2015.pdf
 
Informe completo: Informe_2015.pdf
Encontro da Rede Ibérica de Proxecto Ríos
rede_proxecto_rios.pngO Proxecto Ríos, alén de ser un programa de voluntariado en Galicia, existe tamén noutros territorios da península ibérica. Dende o seu nacemento en Catalunya en 1996, diferentes lugares do estado español foron sumándose a esta iniciativa de estudo e conservación dos ríos, contando na actualidade con programas en Madrid, Cantabria, País Valenciá, Bierzo, Asturias, Galicia e tamén en Portugal. É precisamente no país veciño onde se celebrará o Encontro da Rede Ibérica de Proxecto Ríos o próximo día 23 de xaneiro organizado pola Associação Portuguessa de Educação Ambiental (ASPEA). Neste encontro buscaranse sinerxías entre as diferentes entidades para desevenvolver actividades que redunden na protección dos ecosistemas fluviais.
Informe Anual do Estado de Saúde dos Ríos Galegos
10351604_1007647005929294_2566909779840960809_n.jpgO vindeiro martes 2 de febreiro, día mundial dos humidais, o Proxecto Ríos presentará o informe anual do estado de saude dos ríos galegos. No informe establecese unha fotografía do estado ecolóxico dos nosos ríos a partir das análises realizadas durante as campañas de primavera e outono polo voluntariado participante no Proxecto Ríos. Preséntanse os resultados das inspeccións realizadas, e as actividades máis importantes desenvolvidas durante o ano 2015, así como o CalendaRío 2016 coas actividades máis destacadas deste novo ano.
Será na Libraría Couceiro en Santiago de Compostela ás 12:00 h.
Feliz Ano 2016
pr_feliz_20161.jpg
Libro e Vídeo dos 10 Anos do Proxecto Ríos
logo_10.pngO Proxecto Ríos presentou os materiais conmemorativos do seu décimo aniversario. Son un libro e un vídeo onde se recollen as actividades desenvolvidas ao longo da última década. Queremos así homenaxear ao voluntariado, que durante este tempo se comprometeu coa conservación dos nosos ríos.
Pódese solicitar un exemplar dos materiais editados contactando coa coordinación do Proxecto Ríos.
O libro pódese descarregar tamén en PDF: Dez Anos de Proxecto Ríos
Tamén se pode ver o vídeo completo na seguinte ligazón:
 
Xornada Teórico Práctica sobre EEI en Gondomar
img20151202wa0012.jpgO pasado 20 de novembro, o Proxecto Ríos realizou unha xornada teórico práctica sobre especies exóticas invasoras no concello de Gondomar. A concellaría de medio ambiente de Gondomar, moi interesada nas especies invasoras presentes no río Miñor ao seu paso polo municipio, promoveu esta xornada para capacitar aos opearios do concello no recoñecemento e métodos de control e eliminación de plantas invasoras na contorna fluvial.
Especies Exóticas Invasoras e Participación Social
cartaz_inv.pngO vindeiro sábado 28 de novembro celebrarase unha xornada divulgativa sobre “Especies invasoras e a participación social” no museo Domus da cidade da Coruña.
Esta actividade enmárcase no proxecto “Rede de voluntariado ambiental para a eliminación de especies invasoras en ecosistemas acuáticos”, que conta co apoio do Ministerio de Agricultura, Alimentación e Medio Ambiente, a través da Fundación Biodiversidad, alén de contar coa colaboración da concellería de Medio Ambiente do Concello da Coruña. A xornada durará todo o día e haberá espazo para que diferentes persoas de Galiza, Portugal e Cantabria dialoguen e debatan a cerca dunha problemática ambiental que hoxe en día está a ser a responsable da perda da biodiversidade mundial.
O Proxecto Ríos participará expoñendo as iniciativas desenvolvidas nos últimos anos sobre esta temática.
<< Inicio < Anterior 1 2 3 4 5 6 7 8 9 10 Seguinte > Final >>

Resultados 1 - 16 de 338
go to top