banner_limpeza_web_pr.jpg
facebook_pr.jpg

Axenda

Saída Formativa
Maio 24, 2017
Acompañaremos ao alumnado do CPI de Pontecarreira no estudo dun treito do río Tambre.

Ver calendario completo

Acceso restrinxido

Nome de Usuario

Contrasinal

Lémbrate de mín
¿Esqueciches o contrasinal?

Boletín Gardarríos Dixital






XIII Encontro de Voluntariado do Proxecto Ríos
imagen_sin_ttulo_3.pngUn ano máis celebramos o Encontro de Voluntariado do Proxecto Ríos. Será o día 17 de xuño de 2017 nas ribeiras e sobreiral do río Arnego.
Este ano 2017 continuaremos realizando unha de descuberta de biodiversidade, tamén coñecida como Bioblitz. Nesta actividade, os asistentes, organizados en pequenos grupos, percorrerán treitos do río para coñecer máis de cerca os tesouros naturais que agochan os cursos fluviais. Cada grupo se dedicará a buscar e fotografar especies de flora e fauna coa finalidade de identificalas, ben no momento, ben ao regreso da saída co asesoramento de expertos/as e guías de campo. Con esta actividade queremos divulgar a biodiversidade que vive nos nosos ríos.
Proxecto Ríos é unha iniciativa de voluntariado e educación ambiental de ADEGA promovida por Augas de Galicia.
Podes anotarte nos teléfonos:
981 57 00 99 / 616 238 050
Anímate a participar!!
Podes descarregar o Cartaz da Xornada
Crónica do XXV Curso de Formación
img_20170506_113028.jpgO pasado sábado, 6 de maio, celebramos o curso de primavera do Proxecto Ríos, que xa vai pola súa vixésimo quinta edición, na estación de Hidrobioloxía do Encoro do Con, en Vilagarcía de Arousa. Os/as participantes fóronse acomodando ao redor das once da mañá, e un cuarto de hora máis tarde daba comezo o curso de formación cunha introdución ao proxecto ríos a cargo de Paco Bañobre e Virginia Rodríguez, que falaron sobre as actividades previstas, os materiais que se editaron a comezos de ano, o estado do proxecto ríos e o informe anual do estado de saúde dos ríos galegos 2016 presentado no mes de febreiro.
Podes ver as fotos da xornada nesta LIGAZÓN.
XXV Xornadas de Formación do Proxecto Ríos
captura_cartaz_3.pngO sábado 6 de maio, terán lugar na Estación de Hidrobioloxía do Encoro do Con (Vilagarcía de Arousa), as XXV Xornadas de Formación de Coordinadores/as do Proxecto Ríos. A temática do curso serán as especies exóticas invasoras dos ríos galegos. Aproveitaremos tamén para facer entrega do material do Proxecto Ríos aos novos grupos participantes. A sesión de tarde estará dedicada, como outros anos, ao recoñecemento dos macroinvertebrados, especies fundamentais no noso traballo. Podes descarregar o cartaz: XXV Curso de formacion. Primavera 2017.pdf
Comeza a campaña de primavera 2017
nova_normal_gardarrios.jpgO 15 de abril da comezo a campaña de primavera do Proxecto Ríos que se extenderá ate o 1 de xuño. Animámosvos a que saíades ao vosos treitos de río para facer as inspeccións. Acordádevos de enviar os datos obtidos ao Proxecto Ríos coa finalidade de elaborar o informe anual do estado de saúde dos ríos galegos. Estará tamén dispoñible o Xeovisor do Proxecto Ríos para inserir os resultados das vosas inspeccións. Se non tedes as chaves para entrar na plataforma, contactade a través do teléfono (981 57 00 99) ou o correo electrónico:
Os novos grupos podedes solicitar unha saída formativa no río que escolléchedes. Recordarvos que o Curso de Formación será o día 6 de maio na Estación de Hidrobioloxía do Encoro do Con. A próxima semana anunciaremos o curso na web e mandaremos un recordatorio no boletín Gardarríos.
Renovación do Convenio do Proxecto Ríos
sinaturapr2017.jpgA presidenta de ADEGA e coordenadora do Proxecto Ríos Virginia Rodríguez vén de asinar coa Conselleira de Medio Ambiente Beatriz Mato o convenio de colaboración que dota de orzamento ao Proxecto Ríos. Na actualidade, o Proxecto Ríos conta con 359 grupos de voluntarios/as que implican a participación de máis de 3.600 persoas no estudo e conservación dos ríos. Trátase da iniciativa de voluntariado ambiental e custodia do territorio máis numerosa e veterana de Galicia. Este convenio permitirá desenvolver actividades de capacitación do voluntariado fundamentais para acadar unha participación activa da cidadanía na conservación dos ecosistemas fluviais. Son xa 13 anos de traballo continuo, ao longo de tres lexislaturas e con governos de moi distinta cor política, os que avala o valor e o interese deste proxecto colectivo de custodia fluvial, que pretende -e está a conseguir- unir ríos e persoas.
O Proxecto Ríos nas XXIII Jornadas da ASPEA
imagen_sin_ttulo_2.pngDo 24 ao 26 de marzo desenvolveranse en Guimarães as XXIII Jornadas Pedagógicas de Educacão Ambiental da ASPEA. O día 25 estará adicado ao IV Encontro Nacional de Monitores do Projeto Rios, no que ADEGA e o Proxecto Ríos asistirán para recoñecer o papel deste programa no ámbito da Educación Ambiental, intercambiando experiencias e presentando propostas para o futuro dende o punto de vista do desenvolvemento do Proxecto Ríos en Galiza. Máis información.
Reedición de Material de Inspección
indicador_saude_web.pngVimos de reeditar novos materiais que estaban esgotados. Foron tres das fichas que emprega o voluntariado nas súas inspeccións de río. Quixemos darlle unha volta ao deseño para que fose máis actual. Ademais recuperamos unha das fichas que formaba parte do material de inspección dende o inicio do proxecto: a chave dicotómica de identificación de macroinvertebrados e unha guía visual dos lugares onde os podemos atopar e os seus hábitos alimenticios. Seguro que esta ficha axudará ao voluntariado a recoñecer e identidicar os macroinvertebrados.
Resultados do Informe Anual 2016
img20170222wa0004.jpgO informe do estado de saúde dos ríos galegos que presenta o Proxecto Ríos establece unha fotografía do estado ecolóxico dos nosos ríos a partir das análises realizadas durante as campañas de primavera e outono polo voluntariado participante. Preséntanse os resultados das inspeccións realizadas, a metodoloxía empregada na realización do informe e as actividades máis importantes desenvolvidas durante o ano 2016.
Resumo do informe: Resumo_Informel_2016.pdf
Informe completo: Informe_2016_Web.pdf
<< Inicio < Anterior 1 2 3 4 5 6 7 8 9 10 Seguinte > Final >>

Resultados 1 - 16 de 374
go to top